Teken my Gaste Boek
Lewe 'n spel vir hulle
Toe kom jy, vol
bravade en dapper,
en kruip onder my vel in;
in my bloed en in my denke.
Jy breek die
omhulsel
om my hart en toe
gaan ek en laat toe
dat jy my weerloos maak.
Ek laat toe dat
jy my skanse afbreek
sodat ek weer seerkry en
weer besef die lewe is bloot
'n spel vir julle.
Ek slak my weer
in my skulpie toe,
skuifel voorentoe en soek
beskerming in die koelte
van alleenheid en verwerping.
Die jagtog was
verby;
die trofee joune.
Ek het meegedoen
aan die spel.
Om 'n rukkie
lank te weet
hoe dit is om aan die hitte van jou
liggaam te raak en die reuk
van jou menswees in te asem.
Maar soos die
bloeisel
oorgevoelig is vir die koue,
so was dit met ons.
Die tyd sal die
letsels heel,
maar in my binneste sal ek
altyd iets met argwaan
en ongeloof benader.
"Trapfiets"
Teken my Gaste Boek
Free JavaScripts provided
by The JavaScript Source