U luister na' Teach your children well" midi
Om 'n vriendin te hê is wonderlik, maar weet ons somtyds met watter vriendin ons werklik te doene het. Herken jy daardie vriendin tussen hierdie beskrywing of herken jy jouself?
Dit laat 'n mens wonder oor die opregtheid van ons, en/of ons vriendinne.
Die Drukkoker
In haar het ons 'n bekwame leier wat vele take op haar skouers kan neem. Sy doen alles gouer en beter as 'n ander. Een groot nadeel wat sy het, is dat wanneer sy op 'n keer onder te groot druk kom en sy word nie dadelik af gekoel nie, is die skade ontsaglik groot.
Die Dubbelkastrol
Sy is die een wat net goed kan funksioneer as sy iemand anders onder haar het wat die stoomwerk doen.
Die Pappot
Sy is die gawe en lekker ou maat met wie jy 'n lang pad kom. Sy staan rustig eenkant en prut. Jy weet presies wat onder haar deksels aangaan, daarom maak jy ook nie die pap te dik aan nie.
Die Ryspotjie
Hierdie outjie is al te lief vir skinder. Jy vertel haar nie jou hartsgeheime nie, want die oomblik as jy jou rug draai, loop sy oor, verseker.
Die Pan
Hier het ons daardie oop vriendelike mens. Sy verberg niks onder 'n deksel nie, en steek haar lang arm uit om jou te help. Sy is on-ontbeerlik in die kombuis. Sonder haar gaan jy nie klaarkom nie bly jou siel arm.
Tog het elke pot 'n plek op jou rak: Soms jeuk jou hande wel om party na jou smaak te skuur. Pas net op dat jy nie meer aangebrand lyk as hulle almal saam nie.
